Shugabannin kungiyar G7 sun ba da hadaddiyar sanarwa a daren 25 ga wata, inda suka cimma matsayi daya kan daukar matakai cikin gaggawa don karfafa takunkumin da suka kakaba wa kasar Rasha, ta yadda kasar Rasha za ta daina shisshigi da rura wutar rikici a kasar Ukraine.

Shugabannin kungiyar G7 sun kuma nuna yabo ga kokakin da kasar Ukraine ta yi wajen sassauta da magance tashe tashen hankali a cikin kasar, tare da yin allah wadai da kasar Rasha game da rashin cika alkawarinta kan yarjejeniyar da aka cimma a birnin Geneva kan batun Ukraine, maimakon haka ma a cewar G7, kasar Rasha ta kara ruwa wutar tashe tashen hankali a wasu yankunan kasar Ukraine, da kuma gudanar da atisayen soja a kan iyaka da Ukraine.

Bugu da kari, shugabannin kungiyar sun bayyana cewa, a shirye suke na kara kakaba wa kasar Rasha karin takunkumi, amma duk da haka suna fatan warware wannan rikici ta hanyar sulhu. (Maryam)