Rahotanni daga ma'aikatar kasuwancin kasar Sin sun bayyana cewa, wata kididdigar da ofishin sakataren kungiyar cinikayya ta WTO ta yi, ya nuna cewa kasar ta Sin ce ke kan gaba a fannin cinikayyar hajoji tsakanin kasa da kasa a shekarar 2013.
Kididdigar da aka fitar a yau Asabar 1 ga watan nan na Maris, ta kuma ce cinikayyar kasa da kasa da kasar Sin ta yi a shekarar 2013, ta kai ta dallar Amurka biliyan 4160, yayin da na kasar Amurka, wadda ta taba kasance gaba a wannan fanni a shekaru da dama, ya tsaya a dallar Amurka biliyan 3910. (Maryam)
