Dangane da lamarin sake barkewar rikici a kasar Sudan ta Kudu, a yayin taron manema labarai da aka saba yi, kakakin ma'aikatar harkokin wajen kasar Sin Hua Chunying ta bayyana a yau Laraba 26 ga wata cewa, kasar Sin tana damuwa sosai game da yadda rikici ya sake barkewa a kasar Sudan ta Kudu, wanda ya haddasa jikkata da rasuwar mutane. Don haka, kasar Sin ta yi kira ga bangarori biyu da abin ya shafa da su aiwatar da yarjejeniyar tsagaita bude wuta da suka cimma yadda ya kamata, su warware rikicin dake tsakaninsu ta hanyar zaman lafiya, ta yadda za a iya samar da kwanciyar hankali a kasar cikin sauri. (Maryam)