A wannan rana, a gun taron manema labaru da aka shirya, bayan da Zarif ya gana da takwararsa ta kasar Italy Emma Bonino da ta kai ziyara a kasar, ya bayyana cewa, yanzu, Iran na yin shawarwari da kwararru na kasashe 6 daga dukkan fannoni, amma sabo da abubuwan da bangarorin biyu suka tattauna sun shafi abubuwa da dama, shi ya sa ake fuskantar tafiyar hawainiya wajen yin shawarwarin.
A wani bangare kuma, Zarif ya yi kira ga bangarorin biyu da su aiwatar da yarjejeniyar farko game da batun nukiliyar kasar ta Iran da aka daddale a birnin Geneva cikin tsanaki, kuma, yana fatan za a cimma matsaya guda a shawarwarin da aka fara. (Bako)
