A ranar Talata 13 ga wata, rundunar tsaro ta soja a Nigeriya ta tabbatar da cewa, ta harbe wassu manyan jami'an kungiyar Boko Haram su biyu a jihar Adamawa dake arewa maso gabashin kasar a cikin wani hari da ta kaddamar wanda ya kunshi jami'an tsaro na musamman a garin Mubi.
Kwamandan sojan mai kula da tsare-tsare laftanar kanar Beyidi Martins ya sheda ma manema labarai cewa, shugabannin da aka tabbatar da kashe su a cikin wani samame da aka samu nasarar kai masu sun hada da Abubakar Zakaria da Mohammed Bama.
Ya yi bayanin cewa, an samu nasarar kai samamen ne sakamakon kokarin jami'an tsaron dake aiki a jihar, a cewarsa, an kame mutane 6 da ake zargi, sannan wassu guda 4 sun tsere da rauni a jiki. (Fatimah)
