Ran 30 ga wata da yamma, hukumar zaben kasar Pakistan ta sanar da sakamakon babban zaben shugaban kasar, inda ta nuna cewa, dan takarar jam'iyyar dake mulki a kasar, Muslim League - Nawaz, Manmoon Hussain shi ne yaci nasarar lashe babban zaben, inda hakan ke nuna cewar shine zai zama shugaban kasar, na goma sha biyu.

Mr. Mamnoon Hussain ya cimma nasara ne a zaben da kuri'u 432, yayin da abokin hamayyarsa Wajihuddin Ahmed na jam'iyyar Tehreek-e-Insaf ya samu kuri'u guda 77.

Shugaban kasar na yanzu Asif Ali Zardari zai kammala wa'adin aikinsa ran 8 ga watan Satumba shekarar bana, don haka nan da wata daya za a rantsar da Mr. Mamnoon Hussain a matsayin shugaban kasar. (Maryam)