A ranar Talata ne kakakin MDD Martin Nesirky ya bayyana a yayin taron manema labarai cewa, fadan da ake kafsawa a yankin Darfur na kasar Sudan, yana barazana ga kokarin da kungiyoyin samar da tallafin jin kai ke yi na taimakawa mutanen da ke bukatar agaji, tare da sanya hadarin samar da abinci na dogon lokaci.

Shirin samar da abinci na duniya(WFP) ya bayyana cewa, fadan da ya barke yau kusan shekaru goma a yankin na Darfur, ya raba mutane da dama daga gidajensu a yankin cikin 'yan shekarun nan, kana yana dakushe kokarin shirin na ciyar da al'ummomin da ke cikin hadari.

A cewar wani rahoto da hukumar ta fitar, sabon fadan da ya barke tun farkon wannan shekara, ya tilastawa sama da mutane 250,000 kauracewa gidajensu, inda suka bar kayayyakinsu na rayuwa, kana fadan kabilanci ya gurgunta kokarin shirin na WFP na ciyar da al'ummomin da ke cikin hadari.(Ibrahim)