A kwanan baya, firaministan kasar Mozambique Alberto Vaquina ya isar da sakon taya murnar shiga sabuwar shekara ga jama'ar kasar Sin, tare da fatan zurfafa dangantaka da hadin gwiwa tsakanin kasashen biyu cikin sabuwar shekara, don neman samun karin ci gaba.

Firaminista Vaquina ya fadi haka ne a yayin da yake ganawa da jakadan Sin a Mozambique, Li Chunhua a fadar firaministan kasar. Yayin da ya waiwayi wasu batutuwan tarihi, Vaquina ya furta cewa, ganin yadda al'ummar kasar Mozambique ta yi fama da mulkin mallaka na zalunci a can baya, shi ya sanya jama'ar kasar sun fahimci matsalolin da jama'ar Sin suka fama da su a lokacin baya.

Dadin dadawa, mista Vaquina ya jaddada cewa, dole ne a rike da tarihi, da mutunta abubuwan tarihi, domin cimma burin wanzar da zaman lafiya a duniya, da sa kaimi ga samun ci gaba tare.(fatima)