2020-07-31 11:33:04        cri

Yau Jumma'a da safe, an yi bikin aikin kammala da kaddamar da tsarin shawagin tauraron dan-Adam na BeiDou-3 a babban dakin taron jama'a na birnin Beijing. Babban sakataren kwamitin tsakiyar Jam'iyyar Kwaminis ta Sin, shugaban kasa, kana shugaban rundunar sojojin kasar Xi Jinping ya halarci bikin.

A shekarar 1994 ne, aka fara gina tsarin shawagin tauraron dan-Adam na BeiDou-3. Cikin shekaru 26 da suka gabata, gaba daya, kasar Sin ta gudanar da ayyukan harba tauraron dan-Adam sau 44. Kuma, bi da bi, ta harba taurarin dan-Adam na BeiDou-1 guda hudu, da taurarin dan-Adam na BeiDou-2 guda 55 da tauraron dan-Adam na BeiDou-3 kuma duk sun shiga hanyoyin da aka tsara, ta hanyar yin amfani da rokar harba tauraron dan Adam samfurin ChangZheng-3. A bana, an kammala tsarin shawagin tauraron dan-Adam na BeiDou-3 bisa dukkanin fannoni, wanda zai ba da hidima ga al'umomin duniya a fannin sanin inda suke.

Kasar Sin ce dai, ta kera dukkan muhimman sassan tauraron dan-Adam na BeiDou-3. Yanzu haka, akwai kasashe 137 da suka kulla yarjejeniyoyin hadin gwiwar tsarin shawagin tauraron dan-Adam na BeiDou-3.

Shi dai wannan tsarin tauraron dan-Adam na BeiDou, yana daya daga cikin tsare-tsaren shawagin taurarin dan-Adam guda hudu dake aiki a duniya, da suka hada da GPS na Amurka, da GLONASS na kasar Rasha, sai kuma Galileo na kungiyar tarayyar Turai. (Maryam)