Ina so zan mika sakon gaisuwa ta musamman zuwa gareku a sashen Hausa na CRI. Da kuma yi muku fatan alheri.

A gaskiya mun kwana biyu ba mu yi mu'amala ba a tsakaninmu, saboda haka a yau naga ya dace in aika muku da wannan gaisuwa. Kuma ina so ku sani cewar muna tare da ku a kullum.

Na samu labarin Malam Murtala ya kusa komawa kasar Sin bayan kammala aikin sa na 'yan shekaru a nan Najeriya. Ina so ku sani cewar, kamar yadda muka saba, zamu ci gaba da bayar da shawarwari nagartattu ga duk wanda zai zo nan Abuja domin karbar hannun malam Murtala don gudanar da aiki. Kuma ina yi wa wannan bako marhabin da zuwa a duk lokacin da zai zo.

A karshe, ina fata zaku ci gaba da kasancewa cikin koshin lafiya da kwanciyar hankali.

Ku huta lafiya.

Naku,

Salisu Muhammad Dawanau

Abuja, Najeriya