Wani rahoton ma'aikatar al'adu da yawon shakatawa ta kasar Sin, ya ce mahukuntan kasar na daukar karin matakai, na karfafa dokokin kare ikon mallakar abubuwa da aka gada daga kaka da kakanni, ciki hadda wadanda ake iya ajiye su da wadanda ba na kayayyaki ba.
Rahoton ya buga misali da al'adar Lum ta amfani da maganin wanka na Sowa Rigpa domin kandagarkin cututtuka, wanda a shekarar 2018, hukumar MDD mai lura da harkokin ilimi, kimiyya da al'adu ko UNESCO, ta sanya cikin jerin abubuwan al'adu da ba na kayayyaki ba, da aka gada daga kaka da kakanni. (Saminu Hassan)
