Kasar Sin ta fitar da rukunonin kananan kabilu 3 daga kangin talauci a lardin Yun'nan dake kudu maso yammacin kasar, yayin da take kara kaimi ga cimma burin fatattakar talauci baki daya, ya zuwa shekarar 2020.

Bisa alkaluman kidayar da aka yi a 2010, rukunonin kananan kabilun da suka hada da Dulong da De'ang da Jino na da jimiliar al'ummomi 50,000.

Yawan mutanen dake fama da talauci ya ragu daga kaso 24.25 a 'yan shekarun baya, zuwa kaso 2.42, adadin da ya yi kasa da kaso 3 da ake bukata na cire su daga jerin masu fama da talauci a yammacin kasar Sin.

Kabilun na zaune ne a yankuna masu tsaunuka na sassan lardin Yun'nan, inda kabilar Dulong ke yankin arewa maso yammaci, kabilar De'ang a yankin yammaci yayin da kabilar Jino ke yankin kudancin lardin.

Huang Yunbo, shugaban ofishin yaki da talauci da samar da ci gaba na lardin, ya ce a bana, za a cire jimilar kananan kabilu 7 daga jerin masu fama da talauci. (Fa'iza Mustapha)