Mataimakin Ministan harkokin cinikayya na kasar Sin, Wang Shouwen, ya ce yana da kyakkyawan fata game da makomar tuntubar juna da ake yi tsakanin kasar Sin da Amurka kan tattalin arziki da cinikayya.

Wang Shouwen, wanda kuma shi ne mataimakin wakilin kasar Sin dake jagorantar tattaunawar Sin da Amurka, ya ce ayarin kasashen biyu na iyakar kokarinsu wajen aiwatar da matsayar da shugabanninsu suka cimma.

Kawo yanzu ayarin kasashen sun gudanar da zagaye na 3 na tattaunawa cikin sama da watanni 3.

Wang Shouwen, ya ce cimma yarjejeniyar moriyar juna abu ne da ya dace da muradun kasashen biyu da ma duniya baki daya. (Fa'iza Mustapha)