A kalla mutane 42 sun rasa rayukan su, kana wasu 78 sun jikkata yayin wani tashin hankali, wanda ya biyo bayan wani hari da wasu 'yan bindiga suka kai kan wasu makiyaya a jihar Bieh ta Sudan ta kudu.

Gwamnan jihar Akobo Johnson Gony Bilu, ya shaidawa kamfanin dillancin labarai na Xinhua cewa, tashin hankali ya barke ne tun daga ranar 6 ga watan nan na Janairu, sa'an nan ya fantsama zuwa yankunan Akobo, da Nyirol ta gabas dake kudancin kasar Sudan ta kudu. (Saminu Hassan)