in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Gwamnatin Ghana za ta kashe sama da dala biliyan biyu wajen samar da kayayyakin more rayuwa a shekarar 2019
2018-11-16 11:39:00 cri
Ministan kudin kasar Ghana Ken Ofori-Atta ya bayyana cewa, kasarsa za ta kashe kimanin dala biliyan biyu a shekarar 2019 mai kamawa wajen samar da kayayyakin more rayuwar jama'a.

Ministan ya bayyana hakan ne yayin da yake gabatarwa majalisar dokokin kasar kasafin kudin shekarar 2019 da ma manufofin gwamnati game da tattalin arziki. Yana mai cewa, a shekara mai kamawan, gwamnati za ta mayar da hankali wajen gina hanyoyi da sauran muhimman kayayyakin more rayuwa.

Ya ce, gwamnati za ta inganta zirga-zirgar jama'a da kayayyaki da kayan abinci, da samar da ayyukan yi da dawo da matsayin kasar a matsayin cibiyar jigila, da samar da makamashi da zirga-zirga a yankin.

Ya kuma ba da tabbacin cewa, gwamnati za ta kammala ayyukan da gwamnatin ta gabata ta fara wadanda aka kusa kammalawa. Haka kuma gwamnati za ta hada kai da sassa masu zaman kansu wajen gudanar da wasu ayyuka a sassa dabamn-daban na kasar.(Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China