Hukumar zabe mai zaman kanta ta Nijeria wato INEC, ta tabbatar da cewa 'yan takara 79, ciki har da shugaban kasar mai ci Muhammadu Buhari ne za su tsaya takarar shugabancin kasar a zaben badi dake tafe.

Shugaban hukumar INEC Mahmood Yakubu, ya ce jimilar mutane 6,352 ne za su tsaya takarar mambobin majalisun dokokin kasar biyu. Sannan jam'iyyun siyasa 91 za su fafata a babban zaben na 2019.

Mahmood Yakubu ya bayyanawa manema labarai a jiya cewa, ana ci gaba da shiryawa zaben yadda ya kamata, bisa tanadin jadawalin zaben da hukumar ta riga ta fitar. (Fa'iza Mustapha)