in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Rasha za ta mayarwa Amurka martani game da ficewa daga yarjejeniyar INT
2018-10-22 10:38:25 cri
Wani dan majalisar dokokin kasar Rasha ya bayyana a jiya Lahadi cewa, nan ba da jimawa ba Rashar za ta mayar da martani game da ficewar Amurka daga yarjejeniyar hana kerawa da gwajin makaman nukiliya masu cin gajere da matsakaicin zango wato yarjejeniyar INT a takaice.

"Za mu mayar da martani ba wai kawai saboda janyewar Washington daga yarjejeniyar ba, sai dai saboda irin matakan da Amurka ta dauka a aikace saboda tana da ikon da za ta aikata abin da take so," in ji Konstantin Kosachev, shugaban kwamitin kula da harkokin kasashen waje na majalisar dokokin kasar Rasha, ya fada a lokacin da yake zantawa da tashar talabijin ta Rossiya 24.

Ya kara da cewa, "kamar yadda shugaban kasarmu ya fada, Rasha tana da dukkan kwarewar sojoji a wannan fanni, martanin da za mu mayar cikin hanzari ne."

A ranar Asabar ne, shugaban kasar Amurka Donald Trump ya bayyana cewa kasarsa za ta fice daga yarjejeniyar INF inda ya zargi Rasha da saba yarjejeniyar da suka cimma.

Tun da farko a jiya Lahadi, jami'an kasar Rasha da dama sun yi gargadin Amurka game da ficewa daga yarjejeniyar, sun bayyana cewa daukar wannan mataki al'amari ne mai matukar hadari.

A shekarar 1987 aka kulla yarjejeniyar ta INF tsakanin tarayyar Soviet da kasar Amurka dangane da kawar da makaman nukiliya masu cin gajere da matsakaicin zango. (Ahmad Fagam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China