A kwanakin baya ne ba da jimawa ba, aka rufe taron koli na dandalin tattuana hadin-gwiwar Sin da Afirka wato FOCAC a birnin Beijing na kasar Sin. A halin yanzu shugabanni gami da manyan jami'an gwamnatocin kasashen Afirka daban-daban na nan na kokarin tabbatar da sakamakon da aka samu a wajen taron kolin, gami da kara fadada hadin-gwiwarsu da kasar Sin.

Jiya Litinin, babban sakatare na jam'iyyar Jubilee mai mulkin kasar Kenya, Raphael Tuju, ya bayyana cewa, an cimma manyan nasarori da dama a wajen taron kolin FOCAC a wannan karo, kuma akwai makoma mai haske game da hadin-gwiwar Sin da Afirka. Ya ce, ya kamata kasashen Sin da Kenya su yi kokarin neman ci gaba tare, yana mai jadadda cewa, taron kolin na da muhimmancin gaske ga dangantakar Sin da Afirka da ma Sin da Kenya.(Murtala Zhang)