in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Bikin nunin fina-finan Sin a Najeriya zai taimaka ga mu'amalar al'adu tsakanin kasashen biyu
2018-09-13 10:27:05 cri

An kaddamar da bikin nuna fina-finan kasar Sin na shekarar 2018, jiya Laraba, a Abuja, fadar mulkin tarayyar Najeriya. Ofishin jakadancin Sin dake Najeriya ne ya shirya bikin wanda zai shafe tsawon sati guda ana yi, bisa taimakon kamfanin kula da harkokin talabijin na kasar Sin wato StarTimes. A sati guda, za'a nuna fina-finan kasar Sin masu inganci a tashoshi daban-daban na Star Times da babban gidan talabijin na tarayyar Nijeriya wato NTA, ta yadda jama'ar kasar za su samu damar kara fahimtar al'adun kasar Sin.

Mukaddashin jakadan kasar Sin dake Najeriya Lin Jing, da babbar sakatariyar ma'aikatar yada labarai da al'adu ta Najeriya Madam Grace Isu Gekpe, da babban jami'in kula da harkokin al'adu na kasar Sin dake Najeriya Li Xuda, da wakiliyar shugaban kwamitin sa ido kan harkokin fina-finai na Najeriya Fatima Abdulkadir, na daga cikin manyan jami'an da suka halarci bikin.

Da yake jawabi, mukaddashin jakadan kasar Sin dake Najeriya Lin Jing ya ce, taron kolin dandalin tattuana hadin-gwiwar Sin da Afirka da aka yi a Beijing kwanan nan, ya samu manyan nasarori da dama, inda shugaban Najeriya Muhammadu Buhari ya halarta, tare da yin shawarwari da shugaban kasar Sin Xi Jinping da firaministan kasar Li Keqiang. A halin yanzu Sin da Najeriya na kara yin mu'amalar al'adu tsakaninsu, kuma kasar Sin za ta bude kasuwarta ga fina-finan Nollywood na Najeriya.

A nata bangaren, babbar sakatariyar ma'aikatar yada labarai da al'adu ta Najeriya Madam Grace Isu Gekpe cewa ta yi, bikin nuna fina-finan kasar Sin a Najeriya zai kara fadakar da jama'ar Najeriya kan nagartattun al'adun kasar Sin.(Murtala Zhang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China