in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Ina dalilin da ya sa kamfanoin Ford da Apple ba su son komar da masana'antunsu gida Amurka?
2018-09-12 13:35:42 cri
Rahotanni daga kasar Amurka sun ruwaito cewa, sakamakon kudin kwastam da Amurka ta kara sanyawa hajojin kasar Sin wadanda darajarsu ta kai dala biliyan hamsin, shahararren kamfanin kera motoci na kasar Amurka mai tsawon tarihin shekaru 114 wato Ford ya soke wani shirinsa kwanan baya, na sayar da wani nau'in mota a Amurka wanda aka kera su a kasar ta Sin. Dalilin kuwa shi ne, saboda farashin motar zai yi tsada a Amurka sakamakon kudin kwastam da gwamnatin kasar ta sanya masa.

Ban da wannan kuma, shahararren kamfanin kera wayoyin salula na Amurka wato Apple ya aike da wasika zuwa ga ofishin wakilin Amurka kan harkokin cinikayya, inda ya ce, idan Amurka ta sanya karin kudin kwastan kan hajojin kasar Sin da darajarsu ta kai dala biliyan dari biyu, za'a kara kudin da kamfanin zai kashe wajen yin kere-kere, abun da zai yi illa ga kamfanin wajen shiga takara da sauran kamfanonin duniya.

Dalilin da ya sa kamfanonin biyu, wato Ford da Apple, ba su son komar da masana'antunsu gida Amurka shi ne, muddin suka kera kayayyakinsu a kasar Sin, za su iya kara kwarewarsu wajen yin kere-kere gami da rage yawan kudin da za su kashe wajen yin kere-kere, ta yadda za su samu karin moriya, tare kuma da kara samun bunkasuwa.(Murtala Zhang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China