Mataimakin shugaban bankin shigi da fici na kasar Sin Xie Ping, ya bayyana a birnin Beijing a ranar 30 ga wata cewa, bankin ya nuna goyon baya ga ayyukan dake shafar zamantakewar al'umma da rayuwar jama'a musamman a fannonin gina ayyukan more rayuwa, masana'antu, makamashi da sauransu. Ya zuwa karshen watan Yuni na bana, bankin shigi da fici ya gudanar da ayyukan a kasashen Afirka 45 a fannonin sufuri, samar da wutar lantarki, kera kayayyaki, sadarwa, bada ilmi, kiwon lafiya da sauransu.

Xie Ping ya bayyana cewa, bankin shigi da fici na kasar Sin zai yi kokarin inganta karfin raya tattalin arzikin kasashen Afirka a fannoni daban daban da samun kudi ta fitar da kayayyaki da kuma samun ci gaba da kansu bisa hali da bukatu na kasashen Afirka. (Zainab)