in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Shugaban kasar Sudan ta kudu ya yafewa jagoran 'yan adawa
2018-08-09 19:55:59 cri
Shugaban kasar Sudan ta kudu Salva Kiir, ya fitar da wata sanarwar yafewa ga jagoran 'yan adawar kasar Riek Machar, bayan da sassan biyu suka sanya hannu kan yarjejeniyar raba madafun iko.

An dai yayata sanarwar shugaba Salva Kiir ta kafar radio mallakar kasar a daren jiya Laraba. Rahotanni sun ce afuwar ta shafi dukkanin sassan 'yan adawar kasar da suka jima suna yakar dakarun gwamnati.

Matakin na zuwa ne bayan kusan shekaru 5, tsagin dakarun gwamnatin kasar na bata kashi da 'yan adawa, kafin a karshen makon jiya a kai ga cimma matsaya ta rarraba madafun iko, tsakanin sassan masu ruwa da tsaki a rikicin kasar.

An dai cimma matsayar rattaba hannu kan yarjejeniyar kawo karshen rikicin ne a birnin Khartoum na kasar Sudan, a ranar Lahadin karshen makon jiya. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China