in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Shugabannin BRICS sun nanata goyon bayan samar da kayayyakin more rayuwa a Afirka
2018-07-27 10:55:36 cri
Shugabannin kasashen da tattalin arzikinksu ke saurin bunkasa a duniya, ko BRICS a takaice sun nanata goyon bayansu na ganin an samar da muhimman kayayyakin more rayuwar jama'a a nahiyar Afirka, da ma magance gibin kudaden samar da irin wadannan kayayyaki.

Shugabannin na BRICS sun sanar da hakan ne cikin sanarwar bayan taron kolin kungiyar karo na 10 da ya gudana a birnin Johannesburg na Afirka ta kudu. A cikin sanarwar, shugabannin sun bayyana muhimmancin gina muhimman kayayyakin more rayuwar jama'a da hade nahiyar Afirka, sun kuma yaba da irin managartan matakan da kungiyar tarayyar Afirka ke dauka na gano da kuma magance kalubalen kayayyakin more rayuwa da nahiyar ke fuskanta, ta hanyar sabon shirin hadin gwiwa na raya nahiyar da kuma shirin samar da muhimman kayayyakin more rayuwa a Afirka.

Bugu da kari, shugabannin sun bayyana muhimmancin zuba jari a bangaren kayayyakin more rayuwa bisa moriyar juna, a wani mataki na taimakawa ci gaban masana'antu da samar da guraben ayyukan yi,koyar da sa'ao'i,samar da abinci mai gina jiki, tsaro, kawar da talauci da samar da ci gaba mai dorewa a Afirka. (Ibrahim Yaya)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China