in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Adadin masu fama da karancin abinci ya karu, in ji MDD
2018-06-21 14:00:18 cri
Wani rahoton da MDD ya fidda a jiya Laraba,ya nuna cewa, a cikin shekarun baya bayan nan adadin masu fama da karancin abinci a duniya ya karu, kuma manyan dalilan da suka haddasa hakan su ne, rikice-rikice, da matsalar fari, da sauran bala'u sakamakon sauyin yanayi.

MDD ta fitar da rahoton "Burin neman dauwamammen ci gaba na shekarar 2018" a jiya Laraba, inda ta yi bincike da nazari kan yadda aka aiwatar da shirye-shirye guda 17 wadanda jadawalin neman dauwamammen ci gaba zuwa shekarar 2030 ya shafa. Cikin rahoton, an bayyana cewa, cikin dogon lokacin da ya gabata, an sassauta matsalar karancin abinci, amma, a 'yan shekarun nan, matsalar ta tsananta.

An ce, adadin masu fama da matsanancin karancin abinci ya karu daga mutane miliyan 777 a shekarar 2015 zuwa miliyan 815 a shekarar 2016, kana, adadin da ya kai kashi 10.6 bisa dari na dukkanin al'ummomin duniya a shekarar 2015, yayin da ya kai kashi 11 bisa dari a shekarar 2016. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China