Za'a gudanar da taro karo na 18 na majalisar shugabannin kasashe membobin kungiyar hadin kai ta Shanghai ko kuma SCO a takaice, tsakanin raneku 9 zuwa 10 a birnin Qingdao na lardin Shandong na kasar Sin. Shugaba Xi Jinping na kasar Sin ne zai jagoranci taron tare da halartar wasu jerin ayyuka.

A gobe Lahadi 10 ga wata, gidan rediyon kasar Sin CRI, zai gabatar da shirye-shirye kai-tsaye kan wasu muhimman ayyuka na taron SCO cikin harsunan Rashanci da Ingilishi da kuma Sinanci.

Har wa yau, za a watsa shirye-shiryen kai-tsaye ne ta tashar Intanet da manhajar wayar salula ta APP, da kuma shafukan sada zumunta na Facebook da Twitter na CRI cikin harsuna 40, ciki har da Hausa, da Swahili, da Ingilishi, da Larabci, da Rashanci, da Japananci da Farasanci da Jamusanci da sauransu.(Murtala Zhang)