in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
MDD ta yabawa nasarar da Afrika ta samu na kaucewa amfani da sinadaran CFC da Halon
2018-05-22 10:30:06 cri
Ofishin hukumar kula da muhalli ta MDD a Afrika, ya yabawa kasashen Afrika 54, bisa kokarinsu na kaucewa amfani da sinadaran CFC da Halon da sauransu, wadanda ke illata rariyar dake kare hasken rana mai illa ga bil'adama wato Ozone Layer.

Da yake jawabi a wani taron hadin gwiwa na jami'an ofishoshin kare rariyar Ozone na kasashen Afrika 54 da aka fara jiya Litinin a Gaborone babban birnin Botswana, mataimakin Daraktan Ofishin hukumar kula da muhalli na MDD a Afrika, Frank Turyatunga, ya ce yawan hayaki masu guba da a karshe za a kaucewa sakamakon kauracewa amfani da sinadaran HFC, tare da karin moriya masu dorewa da za a samu, za su dogara ne kan matakan da kasashen za su dauka game da muhimman batutuwa.

Kokarin nahiyar na kaucewa amfani da sinadaran, ya biyo bayan taro na 16 da ministocin kasashen nahiyar suka yi kan muhalli a birnin Kigali, wanda ya amince da gyara yarjejeniyar Montreal, da kasashen duniya suka cimma kan sinadaran dake illa ga rariyar Ozone. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China