Shugaban hukumar zartarswar kungiyar tarayyar Afirka Moussa Faki Mahamat, ya ce kungiyar tana duba yiwuwar kakabawa shugabannin dake kokarin yin zagon kasa ga shirin wanzar da zaman lafiyar kasar Sudan ta kudu.

Shugaban wanda ya bayyana hakan a yau Alhamis yayin da yake tattaunawa da shugaba Uhuru Kenyatta na Kenya a birnin Nairobin kasar Kenya, ya yaba da kokarin Kenya na samar da zaman lafiya a shiyyar kana ya yi kira ga kasashen dake shiyyar, da su taimaka wajen tabbatar da zaman lafiya a Sudan ta kudun.

Mahamat ya kuma yi kira ga shugaba Kenyatta da takwarorinsu na gabashin Afirka da su ci gaba da kokarin tabbatar da zaman lafiya da kwanciyar hankali a Sudan ta kudu. (Ibrahim Yaya)