Game da rikicin cinikayya da ke gudana tsakanin kasashen Sin da Amurka, mataimakin ministan kasuwancin kasar Sin Wang Shouwen, ya bayyana yau a nan Beijing cewa, matsayin da kasar Sin ke dauka a kullum, shi ne lalubo kofar daidaita wannan batu ta hanyar gudanar da shawarwari, da tattaunawa a bude har abada.
Wang Shouwen ya ce idan bangaren Amurka yana son yin shawarwari, bangaren Sin zai shiga shawarwarin bisa ka'idojin zaman daidai wa daida, da mutunta juna, ta yadda za a kai ga kawar da matsalolin dake tsakaninsu. (Sanusi Chen)