Shugaban kasar Sin Xi Jinping, ya ja hankalin masu ruwa da tsaki game da manyan kalubale uku dake gaban kasar Sin. Yana mai cewa ya zama wajibi a zage damtse, a aikin kandagarkin hadurran dake tattare da hada hadar kudade, da yaki da talauci da kuma dakile matsalar gurbatar yanayi.
Xi Jinping wanda shi ne babban sakataren kwamitin koli na JKS, kuma babban sakataren kwamitin koli na hukumar zartaswar rundunar sojin kasar Sin, ya yi wannan tsokaci ne a Litinin din nan, yayin taron farko, na kwamitin kolin hukumar dake lura da harkokin kudi da tattalin arzikin kasar ta Sin. (Saminu Alhassan)
