Shugaban kasar Sin Xi Jinping, ya jaddada muhimmancin shigar da al'umma tsarin ci gaba, da samar da itatuwa na kasa. Shugaba Xi, wanda kuma shi ne babban sakataren kwamitin koli na JKS, kuma babban sakataren kwamitin koli na hukumar zartaswar rundunar sojin kasar Sin, ya yi wannan tsokaci ne, yayin wani gangamin dasa itatuwa na sa kai, wanda ya gudana a nan birnin Beijing.

Shugaban ya ce ya kamata shugabannin al'umma a dukkanin matakai, su jagoranci sauran al'umma wajen gudanar da ayyukan sa kai na dasa itatuwa, su kuma dauki batun kare muhallin halittu da muhimmanci tamkar rayukan su. (Saminu Alhassan)