Ma'aikatar harkokin wajen Iran ta yi watsi da rahoton hukumar kare hakkin dan adama ta MDD wato (UNHRC) wanda ta fitar kan zargin Iran game da batun take hakkin bil adama na baya bayan nan.

Mai magana da yawun ma'aikatar harkokin wajen Iran Bahram Qasemi, ya karyata rahoton a lokacin taron kwamitin UNHRC na baya bayan nan a Geneva, wanda kwamitin MDDr ya bukaci a tsawaita wa'adin shirin musamman na sanya ido kan take hakkin dan adama a kasar Iran din zuwa tsawon shekara guda.

Qasemi ya ce, a ra'ayinsu, tsawaita shirin rahoton kare hakkin dan adam har na tsawon shekara guda abu ne da bai dace ba kuma bai kamata ba. (Ahmad Fagam)