Shugaban kamfanin gine-gine na Knight Frank dake kasar Kenya Ben Woodhams, ya ce jarin kasar Sin na bunkasa bangaren samar da gine gine ta hanyar amfani da fasahohi na zamani.

Ben Woodham ya shaidawa kamfanin dillancin labarai na Xinhua cewa, 'yan kwangilar kasar Sin suna kokarin yin aiki mai nagarta cikin lokaci kankani idan aka kwatanta da kamfanonin gine gine na kasar.

Ya ce 'yan kwangilar Sinawa, sun bullo da wani yanayi mai kyau na yin takara a fanin samar da gine gine, wanda ya ce ya yi kyakkyawan tasiri kan tattalin arziki ta hanyar rage farashin gidaje ga masu saye. (Fa'iza Mustapha)