Rahoton gwamnatin kasar Sin da firaministan kasar Li Keqiang ya gabatar a yau Litinin, ya jaddada bukatar ci gaba da karfafa ayyukan kwaskwarima a kasar Sin, yayin da ake ci gaba da bude kofa ga kasashen waje.

Kasar Sin za ta ciyar da aikin gina shirin ziri daya da hanya daya gaba, inda za ta kafa yankunan gwajin ciniki cikin 'yanci a birnin Shanghai da sauran wurare 11, da kuma yankunan cinikin yanar gizo 13, tsakaninta da kasashen ketare.

Haka kuma, adadin kwararru 'yan ketare da za su zo aiki a kasar Sin, zai karu da kashi 40 bisa dari. Har ila yau, za a kulla tare da kyautata yarjejeniyoyin ciniki cikin 'yanci guda 8. Kana, za a shigar da kudin Sin wato RMB cikin kwandon kudaden musamman na Asusun ba da lamuni na IMF. (Maryam Yang)