Alkaluman da hukumar kididdiga ta Najeriya ta fitar sun nuna cewa, a shekarar da ta shige, adadin jarin da kasar ta samo daga ketare, ya zarce dalar Amurka biliyan 12, wanda ya karu da kashi 138.7 bisa na shekarar 2016. Hannayen jarin da aka zuba a Najeriya daga kasashen waje ya kai dala biliyan 7.3, adadin da ya karu da dala biliyan 5.5 idan aka kwatanta da na shekara ta 2016.

Rahoton jaridar Vanguard na kasar ya ruwaito cewa, a rubu'i na karshe na shekarar bara, yawan jarin da Najeriya ta samu daga ketare ya kai dala biliyan 5.3, wanda ya ninka kusan sau uku idan aka kwatanta da na makamancin lokacin a shekara ta 2016, ciki har da dala biliyan 3.5 da aka zuba a kasuwar hannayen jari.

Alkaluman sun yi nuni da cewa, tattalin arzikin Najeriya ya farfado sannu a hankali a bara, kuma masu zuba jari na kasashen waje sun kara samun kwarin-gwiwa game da tattalin arzikin kasar.(Murtala Zhang)