Syria ta yi Allah wadai da manufar Amurka ta kafa rundunar dakarunsa kai a arewacin kasarta
Ma'aikatar harkokin wajen kasar Syria ta fidda wata sanarwar dake Allah wadai da shirin kasar Amurka na kafa wata rundunar dakarun sa kai mai dauke da makamai a arewacin kasar, tana mai bayyana hakan da wani yunkuri na keta 'yancin kan kasar.
Ma'aikatar harkokin wajen kasar Syria ta kara da cewa, manufar Amurkar ta sabawa dokoki na kasa da kasa, baya ga keta hurumin kasar na cin gashin kai da wannan mataki zai haifar. (Saminu Hassan)