Wannan shi ne karon farko da shugaba Putin ya ziyarci sansanin sojojin saman Rasha dake birnin Latakia na kasar Syria, tun lokacin da aka fara rikicin kasar Syria shekaru 6 da suka gabata.
Rahotanni na cewa, bayan ganawa da shugaba Assad, Putin kuma ya duba sojojin dake sansanin, inda ya umarci ministan tsaronsa da ya shirya janye sojojin Rashar dake kasar ta Syria.
Shugaba Putin ya ce, idan har 'yan ta'adda suka sake kunno kai, za su fuskanci martanin da ba su taba gani ba. (Ibrahim Yaya)