Mai magana da yawun ma'aikatar harkokin wajen kasar Sin ya ce, kasar Sin tana goyon bayan kasashen Koriya ta Arewa da takwararar ta kudu za su yi amfani da gasar wasannin Oylmpics ta lokacin sanyi da kasar Koriya ta kudu za ta karbi bakunsa a watan Fabrairu, wajen kokarin inganta huldar dake tsakaninsu.

Rahotanni na cewa, a jiya ne shugaba Kim Jong Un na Koriya ta Arewa ya ce, a shirye kasarsa take ta tattauna da Koriya ta Kudu, game da yiwuwar kasar ta halartar gasar ta Olympics da za ta gudana a birnin PyeongChang na kasar Koriya ta Kudu a shekarar 2018.

Shi ma shugaba Moon Jae-in na Koriya ta Kudu ya yi maraba da jawabin da takwaransa na Koriya ta Arewa ya yi a murnar sabuwar shekara, inda ya umarci jami'an gwamnatinsa da su dawo tattaunawa tsakanin Koriyoyin biyu, kana su zana matakan da suka dace a dauka na ganin Koriya ta Arewar ta shiga gasar. (Ibrahim Yaya)