in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Kasar Sin za ta gina layukan dogo masu saurin tafiya da za su kai kilimota 38,000 nan da shekarar 2025
2018-01-02 20:03:20 cri
Babban manajan hukumar jiragen kasa ta kasar Sin Lu Dongfu ya bayyana cewa, nan da shekarar 2025 kasar Sin tana fatan gina layukan dogo masu saurin tafiya da za su kai tsawon kilomita dubu 38, adadin da zai zarta tsawon kilomita 25,000 da ake da su a shekarar 2017 da ta gabata.

Lu ya ce, yawan layukan dogo masu saurin tafiya da ake amfani da su a kasar a karshen shekarar 2017 sun kai kaso 66.3 cikin 100 na yawan layukan da ake amfani da su a duniya.

A cewarsa, jarin da ake fatan zubawa a bangaren sufurin jiragen kasa a shekarar 2018, zai kai yuan biliyan 732, kwatankwacin dala biliyan 112, adadin da ya yi kasa da matsakaicin jarin da aka zuba daga shekarar 2013-2017. Ya ce a wannan shekarar, hukumar tana shirin gina sabbin layukan dogo, kuma daga cikin wannan adadi kilomita 3,500 za su kasance masu saurin tafiya ne.

Jami'in ya kara da cewa, kasar Sin tana fatan gina kilomita dubu 175 na layukan dogo nan da shekarar 2025, idan aka kwatanta da kilomita dubu 127 da ke aiki a karshen shekarar 2017 da ta shude.

A shekarar 2017, fasinjoji biliyan 3.04 ne suka yi zirga-zirga ta jiragen kasa, karin kaso 9.6 cikin 100 bisa makamancin lokaci na bara. Kuma sama da kaso 56 cikin 100 na zirga-zirgar an yi su ne ta jiragen kasa masu saurin tafiya. (Ibrahim Yaya)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China