in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Laberia: George Weah na kan gaba a zagaye na biyu na babban zabe
2017-12-29 09:39:55 cri
Hukumar zaben kasar Liberia Jerome Korkoya, ya ce dan takarar jam'iyyar hamayya ta CDC George Weah, shi ne ke kan gaba a zagaye na biyu na zaben shugabancin kasar da aka kada ranar Talata, inda ya yi galaba kan abokin takararsa, kuma mataimakin shugabar kasar mai ci Joseph Boakai.

Mr. Korkoya ya ce wannan sakamako na zuwa ne yayin da aka riga aka kidaya kaso 98.1 na daukacin kuri'un da aka kada. Mr. Weah dai ya kai ga samun kuri'u har kaso 61.5 bisa dari, yayin da Joseph Boakai ke da kaso 38.5 bisa dari na jimillar kuri'un da aka kada.

George Weah, tsohon tauraron kwallon kafar kasar ta Liberia, ya lashe kuri'un gundumomi 14 cikin 15 dake sassan kasar. Kuma hukumar zaben kasar ta ce adadin masu kada kuri'unsu a kasar ya kai kaso 56 bisa dari. Ana kuma sa ran fidda sakamakon karshe na zaben a Juma'ar nan. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China