Wakilin musamman na gwamnatin kasar Sin, kana mai taimakawa ministan harkokin wajen kasar, Chen Xiaodong, ya ziyarci Zimbabwe bisa gayyatar gwamnatin kasar. Game da wannan batu, mai magana da yawun ma'aikatar harkokin wajen Sin, Geng Shuang ya ce, Chen ya ziyarci sabon shugaban Zimbabwe, Emmerson Mnangagwa ne, domin mika sakon shugaba Xi Jinping ga shugaba Mnangagwa, inda ya taya shi murnar zama shugaban kasar. Kasar Sin ta yi imanin cewa, babu tantama ziyarar Chen a wannan karo za ta kara karfafa dankon zumunci tsakanin Sin da Zimbabwe.(Murtala Zhang)