Shugaban kasar Zimbabwe da a yanzu haka sojojin kasar sa ke yiwa daurin talala, ya bayyana ta wasu kafofin watsa labarai a karon farko, tun bayan da aka amshe iko daga hannunsa.

Jaridar Herald ta kasar Zimbabwe, ta wallafa hoton shugaban na ganawa da jagoran rundunar tsaron kasar Constantino Chiwenga, da kuma wasu jakadun yankin kudancin Afirka a fadar gwamnatin kasar.

Rahotanni sun tabbatar da cewa, ministan tsaron kasar Sydney Sekeramayi, da karamin ministan tsaron cikin gidan kasar Kembo Mohadi, na cikin wadanda suka halarci taron na jiya Alhamis. (Saminu Hassan)