Rundunar 'yan sandan Nijeriya ta tabbatar da mutuwar mutane uku sanadiyyar wani hatsarin jirgin kasa da ya auku da safiyar jiya Alhamis a jihar Lagos dake zaman cibiyar harkokin kasuwancin kasar.

Rundunar ta ce jirgin ya ci karo ne da wata katuwar mota dake tafiya a yankin Agege na jihar, inda mutane da dama suka raunana.

Kakakin rundunar 'yan sandan jihar Olarinde Famous-Cole, ya ce jami'an tsaro da masu aikin ceto sun isa wurin don kai dauki.

Ya kara da cewa, ana gudanar da bincike don tantance musababbin hatsarin da kuma jimilar mutanen da ya rutsa da su. (Fa'iza Mustapha)