Sanarwar da kakakin Bankin Isaac Okorafor ya fitar, ta ce bankin ya bada dala miliyan 100 ga bangaren dilalan da hukumar ta amince da su.
Ya ce bangaren kanana da matsakaita sana'o'i kuwa ya samu dala miliyan 50, yayin da wadanda ke bukatar canji domin biyan kudin makaranta da na asibiti da kudin guzuri da dai sauransu, suka samu dala miliyan 45.
A cewar Isaac Okorafor, CBN na da tabbacin cewa, gaskiyar da ya tsare a kasuwar, za ta taimakawa takardar Naira rike darajarta a kan dala, tare da kara mata karfi a kan sauran manyan takardun kudaden na duniya. (Fa'iza Mustapha)
