in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Yawan wutar lantarki da ake amfani da shi a kasar Sin ya karu
2017-10-14 12:00:37 cri
Hukumar kula da makamashi ta kasar Sin, ta ce yawan lantarki da ake amfani da shi ya karu cikin sauri a watan Satumban da ya gabata, tana mai karawa da cewa, alama ce dake nuna bunkasar tattalin arziki.

Hukumar ta ce wutar lantarki da ake amfani da shi ya karu zuwa kaso 7.2 a kan na shekara daya da ta gabata, inda ya karu a kan kaso 6.4 na watan Augustan da ya gabata.

Ta kara da cewa, cikin watanni 9 farkon shekarar nan, an yi amfani da jimilar kilowatts trillion 4.7, wanda ya karu da kaso 6.9 a kan na makamancin lokacin a bara.

Yawan lantarki da aka yi amfani da shi a bangaren harkokin gona ya karu da kashi 7.8 inda bangaren bada hidima ya karu da kaso 10.5, yayin da bangaren masana'antu ya karu da kaso 6 a cikin wadancan watanni.

Wannan bayani ya nuna cewa alkaluman yawan kayayyakin da masana'antu ke sayarwa ya kai maki 52.4 a watan Satumba, mataki mafi koli da ya kai cikin sama da shekaru 5, a kuma cikin watanni 14 a jere da bangaren ke samun tagomashi.

Tattalin arziki kuma ya fadada da kaso 6.9 cikin rabin farkon shekarar nan idan aka kwatanta da makamancin lokacin a bara. A makon gobe ne kuma za a fitar da alkaluman tattalin arziki na GDP na rubu'i na uku na bana. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China