Mutane a kalla 7 ne suka mutu, yayin da wasu 10 suka raunana sanadiyyar wani bam da ya tashi cikin wata mota a kasuwar birnin Mogadishu mai awan hada-hadar jama'a.

Kakakin birnin Mogadishu na kasar Somalia Abditifitah Halane, ya shaidawa manema labarai cewa, bam din dake cikin motar ya fashe ne a kusa da wata motar haya a kasuwar Hamarweyne.

Abditifitah Halane wanda ya ce mutane 7 ne suka mutu sanadiyyar harin, ya ce wadanda harin ya rutsa da su na cikin motar hayar ne a lokacin da bam din ya fashe.

Kawo yanzu dai, babu wata kungiyar da ta sanar da daukar alhakin harin na baya-bayan nan da aka kai kasar dake kahon Afrika. (Fa'iza Mustapha)