Kwamishinan 'yan sandan jihar Zamfara Shaba Alkali, ya shedawa 'yan jaridu a Gusau, babban birnin jihar cewa, an yi garkuwa da Adeniyi ne a lokacin da yake kan hanyarsa ta Dandume/birnin Gwari a jihar Kaduna a lokacin da yake kan hanyarsa ta zuwa Gusau.
Alkali ya kara da cewa, an yi garkuwa da jami'in dan sandan ne a cikin jihar Kaduna, kuma har yanzu yana jiran cikakken bayani game da wannan al'amari.
A 'yan makonnin da suka gabata, wasu 'yan bindiga sun kaddamar da hari a kan ofishin 'yan sanda a Keta dake karamar hukumar Tsafe a jihar ta Zamfara, inda suka yi garkuwa da wasu jami'ai 3.
Batun garkuwa da mutane ba bakon abu ba ne a Najeriya. A 'yan kwanakin nan ana samun yawaitar yin garkuwa da baki 'yan kasashen waje da manyan mutane a kasar. (Ahmad Fagam)
