Firaministan kasar Sin Li Keqiang ya bayyana aniyar kasar Sin, ta ci gaba da goyon bayan dukkanin matakai da ka iya bunkasa sha'anin kirkire kirkire da daukaka sana'o'i. Ya ce Sin za ta dada kaimi a tafarkin ta, na samun ci gaba ta hanyar kere kere, da kirkirar sana'o'i masu alfanu.

Mr. Li wanda ya yi wannan tsokaci a Jumma'ar nan, gabanin shiga makon kasa na kirkire kirkire da bunkasa sana'o'i, ya kuma bayyana cewa wadannan fannoni, sun taka muhimmiyar rawa wajen fadada kasuwanni, da bunkasa fasahohin al'umma, tare da sauya alakar ci gaba, daga salo na gargajiya zuwa sabbin dabarun zamani.

Kaza lika a cewarsa, hakan na samar da damammaki dake haifar da daidaito, tare da fadada guraben ayyukan yi. (Saminu Hassan)