in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Kasar Iraki ta kama iyalan membobin kungiyar IS 1400
2017-09-11 13:28:53 cri
Wani jami'in gwamnatin kasar Iraki ya bayyana a jiya Lahadi cewa, mahukuntan kasar sun kama mata da kananan yara da yawansu ya kai kimanin 1400 a wani sansanin dake kudu da birnin Mosol, wadanda ake zaton mata ne ko yaran membobin kungiyar IS daga kasashen waje.

Mataimakin ministan kula da 'yan gudun hijira da bakin haure na kasar Iraki Jasim Al Attiyah ya bayyana cewa, sansanin yana garin Hamam al-Alil ne mai nisa kilomita 20 kudu da birnin Mosol. Mutane da dama daga cikin wadanda aka yi garkuwa da su sun rasa takardunsu na asali, wannan ya sa sojojin tsaron kasar suke tantance asalinsu a kokarin tabbatar da kasashensu.

Mr. Attiyah ya bayyana cewa, hukumomin kasar suna shirya kai su wani sansani na daban, ma'aikatar kula da 'yan gudun hijira da bakin haure ta kasar ta samar musu da abinci da jinya.

Wani jami'in tsaro a birnin Mosol ya bayyana cewa, game da mambobin kungiyar IS da aka kama iyalansu, wasu sun mutu a cikin yakin kwato Tal Afar, wasu kuwa sun mika makamansu ga sojojin gwamnatin kasar ko dakarun Kurdawa. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China