A yau Alhamis ne, shugaba Xi Jinping na kasar Sin ya aike wa Joao Lourenco sakon taya murna, dangane da nasarar da ya samu ta lashe zaben shugabancin kasar Angola.
A cikin sakon shugaba Xi ya bayyana cewa, kasar Angola muhimmiyar abokiyar huldar kasar Sin ce a nahiyar Afirka. Ya ce yana dora muhimmanci kan ci gaban hadin gwiwar Sin da Angola, kana a shirye yake ya hada kai da sabon shugaban don kara samun nasarori wajen bunkasa hadin gwiwar sassan biyu bisa manyan tsare-tsare, ta yadda zai kasance mai fa'ida ga kasashen har ma da al'ummominsu.(Ibrahim)
