Jirgin ruwan mai binciken kimiyya mallakar kasar Sin wato Xiangyanghong 01, ya fara zagaye duniya a ranar Litinin, a wani binciken da zai yi a karon farko, wanda ya kunshi na tekuna da yankunan dake iyaka da duniya

Babban jami'in bincike na hukumar lura da tekuna ta kasar Sin (SOA) Li Tiegang, ya ce binciken wanda zai mai da hankali kan albarkatu da muhalli da kuma yanayi a matakai 6, zai gudana ne a rabin ban kasa ta yanki kudu.

A mataki na 4, jirgin zai hadu da jirgin Xuelong na kasar Sin mai shiga cikin kankara dan samar da hanya ga sauran jiragen ruwa, a aiki karo na 34 da yake yi a Antarctika.

Mataimakin darakta a hukumar SOA Lin Shanqing, ya ce tafiyar na da muhimmanci ga kasar Sin wajen gano hanyoyin ci gaba ta fuskar kimiyya tare da kara tasirin da kasar ke da shi a bangaren binciken teku.

Jirgin Xiangyanghong 01 da ya tashi daga Qingdao na gabashin Sin, zai shafe mil 35,000 cikin teku a aikin da zai yi na kwanaki 260, inda aka shirya dawowarsa Qindao a ranar 15 ga watan Mayun 2018. (Fa'iza Mustapha)